Comune di Basiliano

Ricerca rapida


< vai al contenuto centrale




Sportel pe promozion de lenghe furlane

Ce isâl?

Il sportel pe promozion de lenghe e de culture furlanis al è stât ativât dal Comun di Basilian grazie ai finanziaments de leç 482/99, par promovi la difusion de lenghe e de culture furlanis sul teritori.
Si indrece, prin di dut, ai citadins, aes scuelis e aes Associazions dal teritori, che a puedin doprâ il servizi par cognossi lis oportunitâts ufiertis de normative in materie e par informâsi su lis ativitâts e lis iniziativis dai Ents dal teritori par chel che al rivuarde la lenghe e la culture furlanis.
Il Sportel, cundiplui, si propon come pont di riferiment pe realizazion di progjets specifics, ancje in colaborazion cu lis altris realtâts dal teritori.

Ce fasiâl?

Il Sportel al à il compit di “judâ i uficis te comunicazion cui citadins te lenghe tutelade, sedi in forme orâl che scrite” (da “Vademecum dai sportei linguistics”- a cure di SILCE, Regjon Autonome Friûl Vignesie Julie).
Par davuelzi chest compit, il Sportel al:
promôf events e iniziativis, locâi e no, che a rivuardin la lenghe e la culture furlane e argoments di interès public e sociâl
Inmanee materiâi informatîfs bilengâi (volantins,avîs,depliant, sît web)
Furnìs informazions su lis ativitâts e iniziativis dal Ent
Furnìs informazions e consulence in materie di legjislazion
Coordine progjets specifics pe promozion de lenghe tutelade
Publicize, ufrìs consulence, coordine lis ativitâts di tutele e promozion linguistiche progjetadis da altris Ents e Asociazions presintis sul teritori
Dulà isâl?
Il Sportel si cjate in tal Centri Civic “Vile Zamparo” lì dai Uficis de Biblioteche Comunâl

Par informazions

Oraris
Vinars: 10.00– 12.00 / 15.00-18.00
Tel. 0432/849730 - 0432/830259
e-mail: furlan.basilian@com-basiliano.regione.fvg.it

Il giorno 12 maggio lo sportello aprirà solamente al mattino, dalle ore 10.00 alle 12.00. L'apertura pomeridiana sarà tuttavia garantita anche nella giornata di martedì 16 maggio, dalle 15.00 alle 18.00.